Sheteldik qonaqtar Óskemendegi  "Halıfa Altaı" meshitinde, sondaı-aq Úlbi men Ertistiń qıylysar tusy ornalasqan "Strelka" yqsham aýdanynda boldy. Budan bólek etnografıalyq saıabaqty tamashalap qaıtty.

Josparǵa sáıkes, túsirilim toby Shyǵys Qazaqstandaǵy birqatar aýdandarǵa baryp, vıdeo túsiredi. Máselen, olar Rıdderde Batys Altaı qoryǵy men Lıneınyı asýyna at basyn tirep, kórkimen kóz tartatyn tabıǵatty beınerolıkke túsiredi. Sonymen qatar Kúrshim aýdanynda ornalasqan áıgili Marqakól men Marqakól memlekettik tabıǵı qoryǵyn kózben kórip qaıtpaq. Budan bólek Qıyn kerish shatqaly men Katonqaraǵaı aýdanyndaǵy Muztaý taýy men Katonqaraǵaı memlekettik ulttyq tabıǵı parkine baryp, beınerolıkter túsiredi.